So unnerscheedlich de plattdüütsch Spraak vun Dörp to Dörp in Wendland, so bunt is ook de Programm vun de Plattschnacker an Sünndag, de 9. September. Up een Bühn unner free Himmel in de Goorn vun de ehemolig Kroog „Grappenkopp“ in Jomeln beeden de Plattschnacker plattdüütsch Musik, Literatur, Drachtendanz un Theoter.
Een plattdüütsch Gottesdeenst mit Pastoor Heinrich Riebeseel ut Lümborg und de Plater Posaunenchor maken de Anfang an düssen Dag, dorna Klock 12 waard een Mittageeten anboden.
Klock een fangt de Programm an, bi schlecht weder in een Telt.
Na dat Begröten dörch Jomelns Börgermeester Udo Sperling singt de Plattdüütsch Chor unner de Leid vun Heidrun Müller.
„De Schlödel“ heet een Sketch vun Schölers vun de Grundschool Breselenz unner de Leid vun Heike Parlow Klock 13.30. As Togaav gifft dat plattdüütsch Leeder un Gedichten.
Leeder „vun de Waterkant“ singen de Lüüd vun de „Plattdüütsch Fröhstück“ vun de Museum Hitzacker „Oll Tollhuss“ Klock 13.45.
De Theatergrupp „De Gusbörner“ laden Klock twee to de een un anner Sketch ein.
„An de Eck steiht een Jung mit een Tüdelband“ singen de Schölers vun de Grundschool Küsten Klock 14.20 unner de Leid vun Helga Schulz.
Na een kort Kaffeepoos mit Kook und Tort treden Klock dree Hannelore un Luisa Lohrberg vun dat Plattdüütsche Theoter Wendland mit „Bi äten schnackt man nich“ up, een Sketch as in wohr Leben twischen Oma un Enkelin. „De Eier“ heet een tweet Skeetch vun Annedore Woltersdorf un Hannelore Lohrberg.
Schölers vun de Jeetzel-Oberschool Lüchow lesen plattdüütsch Texten. Dorna speelen doe Lüüd vun dat Plattdüütsch Theoter Wendland een drütt Sketch: „De Reis na Weimar“.
Af 15.30 hem de „Heimatjunx“ mit Franz Klahn (Gitarr, Mundharmonika un Gesang) und Sammy Trunczik (Akkordeon un Gesang) ehr Uptritt. De Heimatjux sünd bekannt as bodenstännig Livemusiker, de mit Humor un Können ehr Musik an de Lüüd bringen.
Af ungefähr Klock veer treten „De Wendländer“ unner de Leid vun Barbara Schulz ut Lensian up. De Wendländer bestahen all siet 1970 als Volksdank- und Trachtengrupp mit Danz ut de 19. Johrhunnert.
„De Wendlinge“ – Elke Laufs, Marion Beyer, Hanna Brassat, Martina Timm un Christop Noetzel – sünd dat erste Mal darbi. Se erfreien mit ehr sürms schreben „Rundlingsleed“ un anner oll plattdüütsch Leeder.
De ganzen Dag över sünd de Rundlingsverein und de Fronskring Küsten mit ehr Stänn bi de Veranstaltung. Ook een plattdüütsch Böekerdisch givt dat wedder.
De Intritt is free.
De Plattdüütsch Dag ward möglich dörch de Landkreis Lüchow-Dannbarg als Veranstalter, veel ehrenamtliche Mitarbeiders un de finanzielle Hülp vun de Lümborger Landschopsverband.
Titelfoto: De Drachtendanzgrupp De Wendländer. Kleine Fotos: Annedore Woltersdorf un Hannelore Lohrberg vun dat Plattdüütsch Theoter Wendland; HeimatjunX Franz Klahn und Sammy Trunczik; Heinrich Siemke un Lili Delong vun de Theotergrupp De Gusbörner; Schölers vun de Grundschool Breselenz mit Schoolmester Heike Parlow; Drachtendanzgrupp De Wendländer. Alle Aufnahmen: Jenny Raeder
